Aqmolalyq asyqshylar halyqaralyq týrnırdiń júldegeri atandy
KÓKShETAÝ. QazAqparat - Aqmolalyq asyqshylar Keıki batyrdyń eske alýǵa arnalǵan halyqaralyq týrnırdiń jeńimpazy atandy, dep habarlaıdy QazAqparat tilshisi.
Aqmola oblystyq dene shynyqtyrý jáne sport basqarmasynyń málimeti boıynsha, Qostanaı qalasynda ótken ulttyq oıynymyz asyq atý jarysyna Qazaqstan Respýblıkasy men Mońǵolııa elinen jınalǵan kileń myqty asyqshylar qatysty. Aqmola oblysynyń quramasy sapynda Erkebaı Sársekov, Saılaýbek Táshimov jáne Lesbaı Aqtóre sheberlikterin synady.
«Jerlesterimiz jalpy komandalyq esepte Túrkistan oblysyna ese jiberip, júldeli ekinshi orynnan kórindi. Al, úshinshi orynǵa Nur-Sultan qalasynan kelgen asyqshylar laıyq dep tanyldy», - deıdi Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.
Jattyqtyrýshysy Samat Áýkenovtiń sózine qaraǵanda, aqmolalyqtar aldaǵy shilde aıynda Nur-Sultan qalasynda ótetin «Azııa asyǵy» týrnırine daıyndalmaqshy.
