Aqmolalyq 15 jastaǵy palýan halyqaralyq týrnırde qola júldeger atandy
KÓKShETAÝ. QazAqparat - 15 jastaǵy aqmolalyq palýan Jasulan Beksultanov Reseıdiń Krasnoıarsk qalasynda ótken erkin kúresten halyqaralyq týrnırde qola júldege qol jetkizdi, dep habarlaıdy QazAqparat tilshisi.
Úsh dúrkin olımpıada chempıony Bývaısara Saıtıeva júldesi úshin ótken baıraqty jarysqa Rossııa, Qazaqstan, Ázerbaıjan, Qyrǵyzstan jáne Tájikstan elderinen barǵan 200 astam sportshy qatysty.
Qazaqstan quramasy sapynda Aqmola oblysynan úsh palýan qatysty. Onyń ishinde 15 jastaǵy jas palýan Jasulan Beksultanov 63 keli salmaqtaǵylar arasynda ótken erkin kúreste qola júldeger atandy. Jattyqtyrýshysy Oljas Áshimovtyń aıtýynsha, Jasulannyń kúrespen aınalysyp jatqanyna úsh jyldyń júzi bolypty.
