Aqmolalyq 120 polıtseı bir mezette ánurandy shyrqady

KÓKShETAÝ. QazAqparat - Aqmola oblystyq polıtsııa departamentiniń qyzmetkerleri Memlekettik rámizder kúnin sán-saltanatpen atap ótti, dep habarlaıdy QazAqparat tilshisi.

«Saltanatty shara barysynda polıtsııa departamentiniń úrlemeli orkestriniń súıemeldeýimen egemen elimizdiń memlekettik rámizderi - Tý men Eltańba májilis zalyna shyǵaryldy. Budan keıin, atalmysh orkestrdiń súıemeldeýimen polıtsııa departamentiniń 120 qyzmetkeri ánurandy shyrqady», - dep málim etti vedomstvodan.

Sonymen qatar, bir top polıtsııa qyzmetkerine saltanatty túrde ofıtserlik ataq berildi. Budan bólek, 9 adam orta jáne joǵary basshylyq quramnyń pogonyn aldy.