Aqmolalyq jigit Elbrýs shyńynda «Adaı» kúıin oınap, jurtty tánti etti
KÓKShETAÝ. KAZINFORM — Aqmola oblysynyń týmasy, búginde Astana qalasynda eńbek etip júrgen 26 jastaǵy Álibek Qaıyrbek Elbrýs shyńyna shyǵyp, Qurmanǵazynyń «Adaı» kúıin oryndady.
Jigittiń ákesi Amangeldi Qaıyrbekovtiń aıtýynsha, Álibek — alty balanyń úlkeni, jasy 26-da.
«Kókshetaýda týyp-ósti, oblys ortalyǵyndaǵy № 19 orta mektepte oqydy. Toǵyzynshy synyptan soń Astana qalasyndaǵy ulttyq óner ýnıversıteti janyndaǵy mýzyka kolledjiniń dombyra bólimine oqýǵa tústi. Odan ári bilimin „Shabyt“ ulttyq óner ýnıersıtetinde jalǵastyrdy. Ony bitirip, qazir Qalıbek Qýanyshbaev atyndaǵy memlekettik akademııalyq qazaq mýzykalyq drama teatrynyń halyq aspaptar orkestrinde dombyrashy bolyp jumys istep júr», — deıdi jigittiń ákesi.
Aıta ketsek, áleýmettik jelide Aqmola oblysynyń týmasy Álibek Qaıyrbek esimdi dombyrashynyń Elbrýs shyńynda Qurmanǵazynyń «Adaı» kúıin oryndaǵany týraly beınerolık taraǵan bolatyn.
Jelide jeldeı esken beınerolıktegi jerlesimizdiń ónerine jeli qoldanýshylar tánti boldy.
