Aqmolalyq jastarǵa ekologııany qorǵaý mańyzdylyǵy túsindirildi
«Taza Like» jobasy aıasynda aqmolalyq jastarǵa vandalızmge qarsy kúres jáne ekologııany qorǵaý mańyzdylyǵy túsindirildi, dep habarlaıdy Kazinform tilshisi.
Shara barysynda «Jastar Rýhy» jastar qanatynyń belsendileri men «Úzdik jas ǵalym – 2021» jeńimpazy jáne «Bolashaq saraiy» janyndaǵy «Ekologııa» úıirmesiniń jetekshisi Tamıla Jabbasova «Bolashaq saraiy» zerthanasynda jastarǵa ekskýrsııa uıymdastyryp, sheberlik synybyn ótkizdi.
«Búgingi tańda qorshaǵan orta úshin vandalızm men ekologııa máselesi óte ózekti bolyp otyr. Onymen bárimiz birlesip kúresýimiz qajet, sonda ǵana bir nátıjege qol jetkizemiz. Ol úshin elimizdiń keleshek jastaryna onyń qanshalyq mańyzdy ekenin túsindirip, tárbıeleýmiz kerek, - dedi Tamıla Jabbasova.
«Jastar Rýhy» jastar qanaty jetekshileriniń aıtýynsha, qala ishindegi vandalızmmen kúresý jáne ekologııany qorǵaý aıasynda birqatar sharalar men aktsııalar ótkizý josparlanǵan.
Aıta ketsek, budan buryn «Jastar Rýhy» jastar qanaty vandalızmmen qoǵam bolyp kúresýge shaqyrǵanyn jazǵan edik.
