Aqmolalyq polıtseıler boranda jolda qalǵan 600-ge jýyq kólikti alyp júrdi

ASTANA. KAZINFORM — Іs-sharalarǵa 49 polıtsııa qyzmetkeri men 24 patrýldik avtokólik jumyldyryldy, dep habarlaıdy ІІM baspasóz qyzmeti.

9-10 qarashada avtomobılderdiń kóp jınalýyna baılanysty, oblystyq PD patrýldik polıtsııa batalony men rotasynyń qyzmetkerleri jol-kólik oqıǵalaryn boldyrmaý maqsatynda úsh baǵandy ertip júrýdi uıymdastyrdy.

— Tártip saqshylary Astana-Petropavl jáne Astana-Ereımentaý-Shiderti avtojoly boıynsha júretin 500-ge jýyq jeńil jáne 150-ge jýyq júk kóligin ertip júrdi. Іs-sharalarǵa 49 polıtsııa qyzmetkeri men 24 patrýldik avtokólik jumyldyryldy, — delingen vedomstvo habarlamasynda.

Búgin keshke aýa raıynyń qolaısyzdyǵyna baılanysty qozǵalys taǵy da shekteledi. Osyǵan baılanysty Aqmola polıtseıleri avtokólik ıelerine qozǵalys baǵyttaryn túzetýdi suraıdy. Sondaı-aq, aýa raıynyń ózgerýi jáne joldardyń jabylýy týraly arnaıy qyzmetterdiń habarlamalaryna mán berýdi suraıdy. 

Eske salsaq, Astana áýejaıynda 6 reıs keshiktirilip jatqanyn habarlaǵan bolatynbyz.