Aqmolalyq qutqarýshylar 2 adamdy Arshaly kentine evakýatsııalady

ASTANA. KAZINFORM — Aqmola oblysynda TJM qutqarýshylary tótenshe jaǵdaıda qalyp qoıǵandarǵa kómekke keldi, dep habarlaıdy TJM baspasóz qyzmeti.

Búgin túnde Arshaly aýdany Ijevskoe aýylynyń mańyndaǵy óriste jeńil avtokólik keptelip qaldy. Júrgizýshi ózdiginen shyǵa almaı, qutqarýshylardan kómek surady.

— Qutqarýshylar joǵary ótpeli avtokólikpen oqıǵa ornyna jetip, 2 adamdy Arshaly kentine evakýatsııalady. Medıtsınalyq kómek qajet bolmady. Tótenshe jaǵdaı kezinde 112 nómiri boıynsha habarlańyz, — dep eskertti vedomstvo ókilderi.

Sonymen qatar, Aqmola oblysynda 15 tonna shóptiń janýy sóndirildi. Arshaly aýdanynyń Krasnoe ozero aýylyndaǵy jeke turǵyn úılerdiń biriniń aýmaǵynda jınalǵan shóptiń janýy oryn aldy. Órt sóndirýshilerdiń kásibı áreketteriniń arqasynda órttiń sharýashylyq qurylystarǵa taralýyna jol berilmedi.

— Órt tolyǵymen sóndirildi. Zardap shekkender joq. TJM shópti turǵyn úılerden, sharýashylyq qurylystar men joldardan neǵurlym alys jerlerde saqtaý qajet ekenin eske salady, — dep túıindedi TJM qyzmeti.

Buǵan deıin habarlaǵanymyzdaı, elordalyq TJD aýa raıyna baılanysty turǵyndarǵa úndeý joldaǵan edi.

Sondaı-aq, qutqarýshylar «Samara-Shymkent» tas jolynda 35 adamdy evakýatsııalaǵany belgili boldy.