Aqmolalyq eriktiler 5 aýdanǵa gýmanıtarlyq kómek jetkizdi

ASTANA. KAZINFORM – Aqmola oblysy «Volonterlerdi qoldaý ortalyǵy» front-ofısiniń eriktileri óńirdegi tótenshe jaǵdaı kezinde sý apatynan zardap shekken 250-den astam muqtaj janǵa kómek kórsetti.

Bul týraly Ortalyq kommýnıkatsııalar qyzmetinde ótken brıfıngte Aqmola oblysy «Volonterlerdi qoldaý ortalyǵy» front-ofısiniń basshysy Dıdar Hamzın aıtty.

«Eriktiler 50-ge jýyq adamdy evakýtsııalaýǵa atsalysty. 75 adamnyń úıinen baǵaly zattaryn shyǵarý jumystaryna jumyldyryldy. Eriktilerdiń belsendiligimen 2 tonna kıim, 2,5 tonna azyq-túlik sebeti jınaldy. TJ oryn alǵan 5 aýdanǵa tolyq gýmanıtarlyq kómek jetkizildi», – dedi ol.