Aqmoladaǵy jol apatynyń deni jyldamdyqty asyrýdan oryn alǵan - vıtse-mınıstr
Vedomstvonyń málimetinshe, bul týraly Іshki ister mınıstriniń orynbasary Erjan Sadenov qatysqan apparat jıynynda aıtyldy.
«Jyldamdyq rejıminiń asyrylýynan týǵan tótenshe oqıǵalar jalpy statıstıkanyń 60%-nan astamyn quraıdy. Al apattylyqty tómendetý – polıtsııa aldynda turǵan negizgi mindetterdiń biri. Osy máseleni egjeı-tegjeıli talqylaý kezinde apatty jaǵdaıdy turaqtandyrý boıynsha usynystar, onyń ishinde patrýldeý baǵyttaryn ózgertý, tsıfrlyq tehnologııalardy paıdalaný jáne beınebaqylaý júıelerin ıntegratsııalaý boıynsha usynystar qaraldy», - degen vıtse-mınıstr.
Aıta ketý kerek, aqmolalyq polıtseıler kúndelikti qyzmetinde 40-tan astam avtomatty júıeni keńinen qoldanady, olarda 20 myńnan astam jol qozǵalysy erejelerin buzý tirkelgen jáne joly kesilgen.
«Apattylyqty tómendetý jáne jol ınfraqurylymynyń sáıkestigin tekserý úshin 900-den astam jol tekserildi, 109 laýazymdy tulǵa jaýapkershilikke tartyldy», - dep jazylǵan habarlamada.
