Aqmoladaǵy jol apaty: Eki polıtseıdi kóligimen qaǵyp óltirgen júrgizýshi mas bolǵan
AQMOLA OBLYSY. QazAqparat - Şýchede eki polıtseıdi qaǵyp óltirgen júrgizýshi mas bolǵan, dep habarlaıdy QazAqparat Polisia.kz resýrsyna silteme jasap.
Hımııa-toksıkologııalyq saraptamanyń qorytyndysyna sensek, polıtseılerdiń qyzmet kóligin baryp soqqan Lexus avtomobılin tizgindegen júrgizýshi orta dárejede mas bolǵan. Osyǵan baılanysty qylmystyq is Qylmystyq kodekstiń 346-babynyń 2-bólimine (kólik júrgizý quqyǵynan aıyrylǵan adamnyń mas kúıde kólik aıdap, eki jáne odan kóp adamnyń ólimine sebepshi bolýy) aýystyryldy.
Aıta keteıik, kólikte onyń janynda taǵy eki adam bolǵan. Olar da mas.
Barlyǵy jol apatynan dene jaraqatyn alǵan, qazir aýrýhanada jatyr.
Eske sala keteıik, keshe, 15 qazanda Şýche qalasynda eki polıtseı jol apatynan qaza tapty. Lexus NX20 mashınasy qyzmet babynda júrgen ýchaskelik polıtseılerdiń Lada-21214 kóligin úlken jyldamdyqpen kelip soqqan.
Іshki ister mınıstri Erlan Turǵymbaev mert bolǵan polıtseılerdiń otbasyna kóńil aıtty.
