Aqmoladaǵy seriktestik ujymy Astana qalasyn Nur-Sultan dep ózgertýdi qoldaýda
«El múddesin basty murat etken QR Tuńǵysh Prezıdentimiz Nursultan Ábishuly Nazarbaevtyń eńbeginiń arqasynda Táýelsizdigin jańa alǵan jas memleket alǵa qadam basty. Naryqtyq júıe ıgerilip, jekeshelendirý júrgizildi, kásipkerlerge qoldaý jasalyp, ınvestıtsııalar tartyldy, alys-jaqyn sheteldermen ózara saýda qatynastary jaqsy jolǵa qoıyldy. Táýelsiz eldiń alǵashqy qadamdarynyń biri - tól teńgemiz qoldanysqa engizilip, derbes qarjy júıesi quryldy.
Bul jumystar men qoldaýlardyń nátıjesi kóp kúttirmedi, qarjylyq daǵdarystarǵa tótep berip, ekonomıkamyz damydy. Ár qazaqstandyqtyń ál-áýqaty jaqsaryp, elimiz jańa belesterdi baǵyndyra bastady. Saıası sheshim qabyldanyp, elordany Almatydan Aqmolaǵa kóshirý týraly sheshim qabyldandy. Qysqa merzim ishinde Eýrazııa kindiginde, Esildiń boıynda jańa elordamyz paıda boldy», - deıdi ujym qyzmetkerleri.
Sonymen qatar, «Tselınogradskoe» kredıttik seriktestiginiń ujymy Elbasynyń tabandy jumysynyń arqasynda iske asyp, qazirgi Qazaqstan jedel qarqynmen damyp kele jatqan, ekonomıkasy turaqty el qatarynan oryn alǵanyn aıtýda.
«QR Tuńǵysh Prezıdentimiz Nursultan Nazarbaevtyń eńbeginiń arqasynda Táýelsizdik alǵannan beri Qazaqstan - bul búkil álemdik úderister ıntegratsııalanǵan, demokratııalyq qundylyqtardy moıyndaıtyn memleketke aınaldy.
Sondyqtan, Astana qalasyn Elbasy esimimen qaıta ataý ýaqyty jetken tabıǵı zańdylyq ekenin moıyndaımyz. Astana qalasyn Nur-Sultan dep qaıta ataýdy «Tselınogradskoe» kredıttik seriktestiginiń ujymy tolyq qoldaıdy», - deıdi ujym qyzmetkerleri.
