Aqmoladaǵy bilim salasynda MJÁ sheńberinde 27 joba júzege asyrylýda

KÓKShETAÝ. QazAqparat - Aqmola oblysynda bilim salasy boıynsha memlekettik-jekeshelik áriptestik sheńberinde jalpy quny 792 mıllıon teńgeniń ınvestıtsııasy boıynsha 27 joba júzege asyrylýda, dep habarlaıdy QazAqparat tilshisi.

Býrabaı aýdanynda QR Parlamenti Senatynyń Əleýmettik mədenı damý jəne ǵylym komıtetiniń bilim jáne densaýlyq saqtaý salasynda memlekettik-jekeshelik áriptestik máseleleri boıynsha kóshpeli otyrysy ótti. Sharaǵa Aqmola oblysynyń ákimi Málik Myrzalın jáne Senat depýtattary men komıtet músheleri qatysty.

Aımaq basshysynyń málimetinshe, óńirde bilim salasy boıynsha memlekettik-jekeshelik áriptestik sheńberinde jalpy quny 792 mıllıon teńgeniń ınvestıtsııasy boıynsha 27 joba júzege asyrylýda. Jyl sońyna deıin memlekettik-jekeshelik áriptestik sheńberinde Ereımentaý aýdanynda eki balabaqsha ashý, al Jarqaıyń aýdanynda «Solnyshko» balabaqshasyn senimmen basqarýǵa berý josparda bar.

Densaýlyq saqtaý salasy boıynsha Kókshetaý, Atbasar jáne Stepnogorsk qalalarynda dıalız ortalyqtaryn ashý josparda bar. Senat depýtattary elimizdiń ózge óńirlerinde memlekettik-jekeshelik áriptestik sheńberinde júzege asyrylyp jatqan jobalar týraly málimettermen bólisti. Ásirese, qoldanystaǵy zańnamany jetildirý qajettigi týraly aıty.

Memlekettik-jekeshelik áriptestiktiń óńirlik ortalyǵy áleýmettik sala, ekonomıka jáne bıýdjetti josparlaý salasynyń basshylarynyń Senat depýtattary men komıtet músheleriniń saýalyna jaýap berdi.

«Óńirde atqarylyp jatqan jumystar naqty sandarmen kórsetilgendigi qýantady. Túıitkildi máseleni sheshý úshin bıýdjetten qarjy qarastyrylǵan», - dedi senator Serik Bekturǵanov.

Jalpy, senatorlar Memleket basshysynyń mindetteriniń óńirde júzege asyrylýy barysyna oń baǵasyn berdi.