Aqmoladaǵy sport mektebinde 18 balada ishek ınfektsııasy anyqtaldy

ASTANA. KAZINFORM — Osy oqıǵaǵa baılanysty polıtsııa «Sanıtarııalyq erejelerdi nemese gıgıenalyq normatıvterdi buzý» baby boıynsha qylmystyq is qozǵady.

Aqmola oblystyq sanıtarııalyq-epıdemıologııalyq baqylaý departamentiniń baspasóz qyzmeti habarlaǵandaı, Býrabaı aýdanynda ornalasqan T.A. Ýálıev atyndaǵy «№ 2 Jaqsy» sport mektebiniń bazasynda demalyp jatqan balalar arasynda 18 bakterıaldy ishek ınfektsııasy jaǵdaıy tirkeldi.

Osy jaǵdaıǵa baılanysty departament pen aýdandyq sanıtarııalyq-epıdemıologııalyq baqylaý basqarmasy birlesip, epıdemııaǵa qarsy jáne aldyn alý sharalaryn uıymdastyrdy. Qazirgi tańda epıdemıologııalyq tergeý júrgizilip, qoldanystaǵy zańnama aıasynda keshendi tekserýler bastaldy.

Atalǵan fakti boıynsha Іshki ister organdary QR Qylmystyq kodeksiniń 304-baby 1-bóligi («Sanıtarııalyq erejelerdi nemese gıgıenalyq normatıvterdi buzý») boıynsha qylmystyq is qozǵady.

— Barlyq naýqas balaǵa der kezinde medıtsınalyq kómek kórsetildi. Qazirgi ýaqytta balalardyń jaǵdaıy qanaǵattanarlyq dep baǵalanyp otyr. Bolǵan oqıǵanyń sebepteri, tergeý nátıjeleri jáne qabyldanyp jatqan sharalar týraly qosymsha aqparat tergeý aıaqtalǵannan keıin beriledi, — delingen vedomstvo habarlamasynda.

Eske sala keteıik, buǵan deıin Túrkistan oblysynda balabaqshada tamaqtan ýlanǵan 24 bala týraly habarlanǵan bolatyn.⠀