Aqmolada jylyna 40 tonna qoıan etin óndiretin ferma ashyldy

KÓKShETAÝ. QazAqparat - Táýelsizdik merekesine oraı Stepnogor qalasyna qarasty Izobılnoe aýylynda jylyna 40 tonna qoıan etin óndiretin ferma ashyldy, dep habarlaıdy QazAqparat tilshisi qala ákimdiginiń baspasóz qyzmetine silteme jasap.

Ákimdiktiń málimetinshe, «Diet-krolik» qoıan fermasyn ashqan - kásipker Nıkolaı Andrıenko. Kásipkerdiń aıtýynsha, qazirgi zamanǵa saı jabdyqtalǵan fermada bir mezgilde 5 myń qoıan ustaýǵa bolady. Osy arqyly jylyna 40 tonna qoıannyń dıetalyq etin óndirý josparlanǵan.

Qazirgi kezde Aqmola oblysy jáne Reseıden etti baǵyttaǵy 60-tan astam qoıan satyp alyndy.

«Aldaǵy 2020 jyldyń sáýir aıynan bastap alǵashqy ónim qala dúkenderinde satyla bastaıdy», - deıdi ferma basshysy Nıkolaı Andrıenko.

Fermanyń ashylýyna Stepnogor qalasynyń ákimi Erkebulan Baıahmetov qatysyp, kásipkerdiń qolǵa alǵan jumysyna sáttilik tiledi.