Aqmolada jyl basynan beri joǵalǵan 6 adam úıine qaıtarylǵan
KÓKShETAÝ. QazAqparat - Aqmola oblysynyń polıtseıleri jaqyn adam joǵalǵan kezde qandaı áreket etý kerektigi túsindirdi, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimeti boıynsha, aǵymdaǵy jyldyń qańtar aıynda Býrabaı aýdandyq PB kezekshilik bólimine 1958 jylǵy jergilikti turǵyn habarlasqan. Zeınetker iz-túzsiz joǵalyp ketken 34 jastaǵy ulyn taýyp berýge kómek surady. Ákesiniń aıtýynsha, uly 2018 jyldyń tamyzynda Stepnogor qalasyna ketip, sodan osy kúnge sheıin habarsyz. Onyń osyǵan deıin de jıi aqsha tabýǵa ketip, birneshe aıdan soń birer aptaǵa úıine oralyp otyrǵan.
Dál osyndaı ótinish Kókshetaý qalalyq polıtsııa bólimine oblys ortalyǵynyń turǵynynan tústi. Bul joly aryzdanýshy Astanaǵa jumys isteýge ketken ákesine izdeý salǵan. Ákesi ótken jyldyń qazan aıynan beri baılanysqa shyqpaǵan.
Eki oqıǵaǵa da baılanysty polıtsııa qyzmetkerleri jedel izdestirý sharalaryn qolǵa aldy. Nátıjesinde er adamdardyń ekeýiniń de júrgen jeri anyqtaldy.
«Balalardy qaraýsyz qaldyrmańyzdar. Este saqtaý jáne baǵdarlaý qabileti tómen adamdardyń kıimine qajetti aqparat bar jazbany tigip qoıyńyzdar», deıdi vedomstvodan.
Aıta ketý kerek, 2018 jyly aqmolalyq polıtseıler iz-túzsiz joǵalǵan 80 adamnyń júrgen jerin anyqtady. Al bıylǵy jyldyń basynan beri barlyǵy 6 adam úıine qaıtarylǵan.
