Aqmolada jyl basynan beri 21 adam salmonellez ınfektsııasyn juqtyrǵan
Oblystyq sanıtarlyq-epıdemıologııalyq baqylaý departamenti baspasóz qyzmetiniń málimetinshe, óńirde salmonellez ınfektsııasyn juqtyrý deregi jıilep ketken.
«2022 jyldyń birinshi jartyjyldyǵynda Aqmola oblysynda salmonellez ınfektsııasynyń 21 jaǵdaıy tirkeldi, onyń ishinde 14 jasqa deıingi balalar arasynda - 15 adam. Kókshetaý qalasynda - 12, Stepnogor qalasynda - 6, Býrabaı aýdanynda 3 jaǵdaı tirkelgen. Barlyq jaǵdaılar oqshaýlanǵan», - deıdi vedomstvodan.
Osy rette, sanıtarlyq-epıdemıologııalyq baqylaý departamentiniń mamandary turǵyndarǵa qoǵamdyq tamaqtaný men jeke úı tájirıbesinde salmonellezdiń aldyn alý úshin tamaqtanar aldynda, tamaq pisirer aldynda, dárethanaǵa barǵannan keıin, janýarlarǵa kútim jasaǵannan soń, qoldy sabynmen ýaqytyly jáne muqııat jýýǵa, sterıldi ydysqa býyp-túıilmegen, qaınatylmaǵan sútti ishpeýge, taýyq jumyrtqalaryn shıkideı jemeýge, qoldanar aldynda jýý jáne qaınaǵannan keıin kem degende 5 mınýt pisirýge, ónimderdi (shıki jáne pisirilgen, kókónister men et) kesý úshin jeke kesý taqtalary men pyshaqtardy paıdalanýǵa, sondaı-aq, daıyndalǵan taǵamdar kelesi kúni qalsa, qoldanar aldynda olardy termııalyq óńdeýden ótkizý sııaqty qarpaıym sanıtarlyq erejelerdi saqtaý qajettigin eske salady.
Aıta ketsek, salmonellez - adam aǵzasyna janýarlardan alynatyn tamaq ónimderimen túsetin Salmonella tektes bakterııalar týyndatatyn jiti ınfektsııalyq aýrý, sımptomsyz tasymaldaýdan bastap, aýyr septıkalyq nysandarǵa deıingi ártúrli klınıkalyq kórinistermen sıpattalady.
Salmonellezdi juqtyrý joldary ártúrli: tamaq, kóbinese janýarlar men qustardyń etin, sondaı-aq jumyrtqany qoldanǵanda jıi kezdesedi. Mıkrobtar tamaq daıyndaý jetkiliksiz bolǵan kezde ónimderge enedi. Janýarlar, kóbinese úı janýarlary (iri qara, shoshqa, mysyq, ıt), qustar, salmonellezben aýyratyn adamdar nemese ınfektsııanyń saý tasymaldaýshylary bolýy múmkin. Sonymen birge, lastanǵan sý arqyly salmonellez juǵýy múmkin.
Eske sala keteıik, budan buryn Aqmola oblysynda KVI-men aýyrǵandar sany 1,5 ese artqan edi.
