Aqmolada jumys istep turǵan jeldetkishti súrtpekshi bolǵan jumysshy qolynan aıyryldy

KÓKShETAÝ. QazAqparat – Aqmola oblysynyń Jolymbet kentindegi «Altyn Almas» aktsıonerlik qoǵamynyń kenishinde jumys istep turǵan jeldetkish kompressoryn súrtpekshi bolǵan jumysshy abaısyzda qolynan aıyryldy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, bıylǵy jylǵy shildeniń 9-da Shortandy aýdandyq polıtsııanyń kezekshi bólimine jergilikti aýrýhanaǵa Semeı qalasynyń 30 jastaǵy turǵyny «sol qolynyń travmatıkalyq ampýtatsııasy» dıagnozymen jetkizilgeni týraly habar túsken.

«Er adamnyń Jolymbet kentindegi «Altyn Almas» aktsıonerlik qoǵamynyń kenishinde jumys istep turǵan jeldetkish kompressoryn súrtý kezinde jaraqat alǵany anyqtaldy. Osyǵan baılanysty polıtsııa tarapynan tekseris júrgizilýde», - dedi vedomstvodan.

Aıta ketsek, budan buryn Aqmola oblysynda zaýyt aýmaǵynda er adam toqqa túsip, kóz jumǵan edi.