Aqmolada júk kóligine tıelgen 24 myń lıtr spırt tárkilendi

KÓKShETAÝ. QazAqparat – Aqmola oblysynda júk kóligine tıelgen 23,9 myń lıtr spırt tárkilendi, dep habarlaıdy QazAqparat tilshisi.

«Aqmola oblysy boıynsha memlekettik kirister jáne ekonomıkalyq tergeý departamentteriniń qyzmetkerleri júrgizgen tekseris barysynda jergilikti sharýashylyq ýchaskesiniń aýmaǵyndaǵy qoımada júk kóligine tıelgen 24 plastık ydysqa quıylǵan jalpy mólsheri 23 936 lıtr spırt tárkilendi. Kelgen shyǵyn kólemi - shamamen 20 mıllıon teńge», - dedi Aqmola oblysy boıynsha memlekettik kirister departamentiniń baspasóz qyzmetinen.

Vedomstvonyń málimetinshe, osy jaǵdaıǵa baılanysty oblystyq ekonomıkalyq tergeý departamenti Qylmystyq kodekstiń 214-babynyń 1-bóligi boıynsha sotqa deıingi tergeý amaldaryn qolǵa aldy.

Aıta ketsek, buǵan deıin Kókshetaýda esirtki jasyrýmen aınalysqan qyzylordalyq ustalǵanyn habarlaǵan edik.