Aqmolada júk kóligine soǵylǵan jeńil avtomobıl órtenip ketti
KÓKShETAÝ. QazAqparat – Aqmola oblysy aýmaǵynda «Nur-Sultan-Şýchınsk» tas jolynyń boıynda «KamAZ»-ǵa soǵylǵan jeńil kólik órtenip ketti, dep habarlaıdy QazAqparat tilshisi.
Aqmola oblystyq PD baspasóz qyzmetiniń málimetinshe, oqıǵa osydan bir saǵat buryn «Nur-Sultan-Şýchınsk» tas jolynyń boıynda oryn aldy.
«Kókshetaýǵa baǵyt alǵan «Reno» avtokóligi bir baǵytta júrip kele jatqan «KamAZ» júk kóligine soǵyldy. Aldyn ala boljam boıynsha, jeńil kóliktiń júrgizýshisi rýlde qalǵyp ketken», - dep túsindirdi vedomstvodan.«KamAZ» júrgizýshisi jeńil kóliktiń júrgizýshisin syrtqa alyp shyqty, alaıda, kóligin qutqarý múmkin bolmady. Kólik lezde órtenip ketti.
«Qazirgi kezde jol-kólik oqıǵasynyń mán-jaıy anyqtalý ústinde», - dep tolyqtyrdy vedomstvodan.
