Aqmolada jolǵa talasqan jigit júrgizýshi men onyń jolaýshysyna pyshaq saldy
KÓKShETAÝ. QazAqparat – Aqmola oblysynda jolǵa talasqan júrgizýshi ózge júrgizýshi men onyń jolaýshysyna pyshaq saldy. Polıtsııa kúdikti retinde Soltústik Qazaqstan oblysynyń 24 jastaǵy turǵynyn ustady, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, oqıǵa 9 naýryzǵa qaraǵan túni Granıtnyı aýylynyń mańyndaǵy avtojolda bolǵan.
Tar jolda bir-birine jol bergisi kelmegen eki júrgizýshi men olardyń jolaýshylary arasynda janjal týyndap, sońy tóbeleske ulasady.
Saldarynan bir júrgizýshi ekinshi júrgizýshi men onyń jolaýshysyna pyshaq jaraqatyn salady.
Zardap shekken eki adam aýrýhanaǵa jetkizildi.
«Qazirgi kezde osy oqıǵa baılanysty Qylmystyq kodekstiń 106 baby boıynsha tergeý amaldary júrgizilýde. Kúdiktige qatysty protsessýaldyq bultartpaý sharasy tańdaldy», - dedi vedomstvodan.
