Aqmolada jolda qalyp qoıǵan Túrkııanyń eki azamaty qutqaryldy
KÓKShETAÝ. QazAqparat - Aqmola oblysynda jolda qar qursaýynda qalǵan Túrkııanyń eki azamaty qutqaryldy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, jeltoqsannyń 22-de saǵat 14:09-de «Jaqsy-Derjavınsk» tas jolynyń 89-shy shaqyrymynda eki júk kóligi qar qursaýynan shyǵaryldy. Eki kóliktiń júrgizýshileri de Túrkııanyń azamattary.
«Bizge Jarqaıyń jáne Jaqsy aýdandarynyń shekarasynda tehnıka tıelgen eki júk kóliginiń qarǵa batyp qalǵany týraly aqparat túsken. Júrgizýshiniń ekeýi de - Túrkııa azamattary. Sheteldikterdiń Nur-Sultanǵa baǵyt alǵany anyqtaldy. Olar boranda adasyp, jolda qalǵan qalǵan», - deıdi Jaqsy aýdandyq TJB basshysy Manat Begalın.
Qutqarý jumystaryna TJD, PD jáne jergilikti atqarýshy organ qyzmetkerleri jumyldyryldy.
