Aqmolada jolda qalǵan 100-ge jýyq adam qutqaryldy
KÓKShETAÝ. QazAqparat – Aqmola oblysynda boranda jolda qalǵan 100-ge jýyq adam qutqaryldy, onyń 31-i Tájikstan azamattary, dep habarlaıdy QazAqparat tilshisi aýmaqtyq TJD baspasóz qyzmetine silteme jasap.
Vedomstvonyń málimetinshe, jolda qalǵan jolaýshylardy kólikterden shyǵarylyp, jaqyn mańdaǵy jylytý ortalyqtaryna ornalastyrylýda. Máselen, búgin Aqkól aýdany aýmaǵynda qar qursaýynda qalǵan Tájikstan Respýblıkasynyń eki azamaty qutqaryldy.
«Aqkól aýdandyq TJ bóliminiń qyzmetkerleri «Nur-Sultan – Şýchınsk» respýblıkalyq avtojolynda qutqarý jumystary júrgizildi. Bes adam qutqaryldy. Onyń úsheýi qazaqstandyq, ekeýi tájikstandyq azamattar. Olardy Aqkól aýdandyq mádenıet úıindegi jylytý ortalyǵyna jaıǵastyryldy», - dedi Aqkól aýdandyq TJB bastyǵynyń mindetin atqarýshy Aıat Serálıev.
Osy rette, Aqmola oblysynda bes táýlik boıy ekstremaldy jaǵdaı oryn alyp otyr. qaldyń qalyń túsýi men jeldiń saldarynan boran, syrǵyma oryn alyp, qalaaralyq joldar ýaqytsha jabyldy.
Qazirgi kezde, «Şýche – Nur-Sultan», «Nur-Sultan-Ereımentaý», «Nur-Sultan- Qaraǵanda» joldary kóliktiń barlyq túri úshin jabyq. Saǵat 11:30-den kúnniń ashylýyna baılanysty «Ekaterınbor-Almaty» (917-1007 km, Jaqsy kenti – Atbasar qalasy), «Jaqsy-Esil-Buzylyq» (0-82 km, Jaqsy kenti – Buzylyq) kóliktiń barlyǵy túrine ashyldy.
