Aqmolada jolaýshylar avtobýsy júk kóligimen soqtyǵysty
KÓKShETAÝ. QazAqparat - Aqmola oblysynda jolaýshylar otyrǵan shaǵyn avtobýs pen júk kóligi soqtyǵysty, dep habarlaıdy QazAqparat tilshisi.
Oblystyq ІІD málimetine qaraǵanda, jol kólik oqıǵasy búgin tańerteń «Astana-Petropavl» tas jolynyń 14 shaqyrymynda bolǵan.
«Mersedes - Sprınter» shaǵyn avtobýsynnyń júrgizýshisi alda júrip kele jatqan kólikti basyp ozbaq bolyp, solǵa burylmaq bolyp turǵan «KamAZ» júk kóligine baryp soqtyǵysqan. Qoǵamdyq kóliktiń ishinde 17 jolaýshy bolǵan.
Jol apatynan avtobýs júrgizýshisi men jolaýshylar zardap shekti. Al, júk kóliginiń júrgizýshisi din aman», dep túsindirdi polıtseıler.
Kólik oqıǵasyna qatysty is qozǵaldy.
