Aqmolada jol apatynan 33 jastaǵy júrgizýshi men eki aılyq sábı mert boldy
KÓKShETAÝ. QazAqparat - Aqmola oblysynda jol apatynan eki adam kóz jumdy. Onyń bireýi búldirshin, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń deregi boıynsha, jol apaty 29 jeltoqsanda Tselınograd aýdany aýmaǵynda «Ekaterınbor - Almaty» tas jolynyń 1 207 shaqyrymynda bolǵan.
«Anyqtalǵandaı Tselınograd aýdanynyń 24 jastaǵy turǵyny basqarǵan «Lada-21703» kóligi joldyń qarsy baǵytyna shyǵyp ketip, «Lada-21703» kóligimen soqtyǵysty. Osynyń saldarynan ekinshi kóliktiń 33 jastaǵy júrgizýshisi (Nur-Sultan qalasynyń turǵyny) men eki aılyq búldirshin oqıǵa ornynda kóz jumdy, taǵy tórt adam túrli dene jaraqatymen aýrýhanaǵa tústi», - dedi PD baspasóz qyzmetindegiler.
Vedomstvodan atap ótkendeı, jol - kólik oqıǵasyna kináli júrgizýshi naýryz aıynda júrgizýshi kýáliginen aıyrylǵan. Qazirgi kezde, júrgizýshi ustalyp, ony qamaý sharasyn qoldaný máselesi sheshilýde.
«Osy oqıǵaǵa baılanysty QR QK-niń 345-baby 3-bóligi boıynsha sotqa deıingi tergeý amaldary júrgizilýde», dep tolyqtyrdy vedomstvodan.
