Aqmolada jol apatynan 27 jastaǵy qostanaılyq áıel mert boldy
KÓKShETAÝ. QazAqparat – Aqmola oblysynda jol apaty oryn alyp, 27 jastaǵy qostanaılyq áıel mert boldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, jol-kólik oqıǵasy qazannyń 5-de tańǵy saǵat 07:05 shamasynda «Ekaterınbor-Almaty» tasjolynyń boıynda bolǵan.
Anyqtalǵandaı, Nur-Sultan qalasyna baǵyt alǵan Qostanaı oblysynyń turǵyny, 27 jastaǵy áıel tizgindegen «Hyundai Accent» kóligi joldyń qarsy baǵytyna shyǵyp ketip, «Kamaz-5320» júk kóligimen soqtyǵysqan.
Júk kóliginiń rólinde Astrahan aýdanynyń 51 jastaǵy turǵyny otyrǵan.
«Jol apatynan «Hyundai Accent» kóliginiń júrgizýshisi oqıǵa ornynda kóz jumdy», - dedi vedomstvodan.
Qazirgi kezde jol apatyna baılanysty Qylmystyq kodekstiń 345 babynyń 3-bóligi boıynsha sotqa deıingi tergeý amaldary júrgizilip jatyr.
