Aqmolada jol apatyna ushyraǵan kólikte qalyp qoıǵan adam qutqaryldy
KÓKShETAÝ. QazAqparat - Aqmola oblysynyń Astrahan aýdanynda jol apatyna ushyrap, zardap shekken adam qutqaryldy, dep habarlaıdy QazAqparat tilshisi.
Oblystyq tótenshe jaǵdaılar departamenti basqarmasy baspasóz qyzmetiniń málimetinshe, jeltoqsannyń 23-de «Ekaterınbor-Almaty» tasjolynyń 1140-shy shaqyrymynda 2 júk kóligi soqtyǵysqan.
«Oqıǵa ornyna dereý Astrahan aýylyndaǵy №19 órt sóndirý bóliminiń qyzmetkerleri men tehnıkasy, Astrahan aýdandyq tótenshe jaǵdaılar basqarmasynyń jedel toby jetti. Jol-kólik oqıǵasy saldarynan myjylǵan avtokólik kabınasynan bir adamdy alyp shyǵý qajet boldy», - dedi vedomstvodan.
Qutqarýshylardyń jedel is-qımylynyń arqasynda zardap shekken adam kóliktiń ishinen shyǵarylyp, jedel-járdem brıgadasyna tapsyryldy.
