Aqmolada joǵalǵan jylqysyn izdeýge shyqqan malshy sýǵa batyp ketti
KÓKShETAÝ. QazAqparat- Aqmola oblysynyń Jarqaıyń aýdanynda joǵalǵan jylqyny izdeýge shyqqan 51 jastaǵy jylqyshy sýǵa batyp ketti, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, 30 maýsym saǵat 08:30 shamasynda Derjavınsk qalasynan 15 km qashyqtyqtaǵy Esil ózeninde TJD Jedel qutqarý jasaǵy sýǵa batyp ketken 51 jastaǵy jylqyshynyń denesin izdestirdi.
Er adam 26 maýsym kúni keshki saǵat 18:00 jaıylymnan jylqy izdeýge ketip, qaıtyp oralmaǵan. Al maýsymnyń 28-de ózen jaǵasynan onyń kıimderi tabylǵan.
«Maýsymnyń 30-y kúni saǵat 15:15 shamasynda TJD izdestirý toby ózen jaǵasynan 10 metr jerden sýǵa batqan jylqyshynyń denesin tapty. Qazirgi kezde oqıǵanyń mán-jaıy anyqtalýda» deıdi vedomstvodan.
