Aqmolada joǵalǵan 12 jasar bala ákesiniń kóliginiń júksalǵyshynan tabyldy
KÓKShETAÝ. QazAqparat - Aqmola oblysynda joǵalǵan bala ákesiniń kóliginiń júksalǵyshynan tabyldy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, 30-qyrkúıek kúni Shortandy aýdandyq PB kezekshi bólimine 37 jastaǵy jergilikti turǵyn habarlasyp, 12 jastaǵy ulyn izdeýge kómek suraǵan.
Onyń sózinshe, 29 qyrkúıek kúni keshki saǵat 20:00 shamasynda, keshki astan keıin uly úıden shyǵyp ketken.
Aldymen joǵalǵan balany týystary ózderi izdegen, keıin polıtsııadan kómek suraǵan.
«Balany izdeýge jedel-tergeý toby, ıývenaldy polıtsııa qyzmetkerleri jáne ýchaskelik polıtsııa ınspektorlary jumyldyryldy. Olar birinshi kezekte joǵalǵan balanyń úıi ornalasqan aýmaqty súzip shyqty. Nátıjesine bala ákesiniń kóliginiń júksalǵyshynda uıyqtap jatqan jerinen tabyldy», - dedi vedomstvodan.
Polıtsııa departamentiniń baspasóz qyzmetinen atap ótkendeı, balanyń ómiri men densaýlyǵyna qaýip tóndiretin belgiler anyqtalmady, bala ata-anasymen qaýyshty.
