Aqmolada jeńil kólik urlaǵan «ǵashyqtar» ustaldy
KÓKShETAÝ. QazAqparat - Aqmola oblysynda jeńil kólik urlaǵan «ǵashyqtar» anyqtalyp ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 10 qyrkúıekte Zerendi aýdandyq PB kezekshilik bólimine Krasnoıar kentiniń 61 jastaǵy turǵyny habarlasyp, belgisiz bireýlerdiń «VAZ-21053» kóligin aıdap áketkenin aıtqan.
«Jedel-izdestirý sharasykezinde tártip saqshylary 43 jastaǵy er adam men 32 jastaǵy áıeldi anyqtap, qolǵa túsirdi. Kúdiktiler qylmystaryn moıyndady. Keıin anyqtalǵandaı, ury áıel kólik ıesiniń burynǵy tanysy bolyp shyqty. Іshimdik iship alǵan áıel óziniń jaqyn dosymen kólik ıesi uıyqtap jatqanda kóligin aıdap áketken», - deıdi vedomstvonyń baspasóz qyzmetindegiler.
Osyǵan oraı, tártip saqshylary aqmolalyqtardy kólikteriniń qaýipsizdigin qamtamasyz etý sharasyn qoldanýǵa shaqyrady.
