Aqmolada jemqorlyq jasap sottalǵan 42 sheneýniktiń 16-sy ǵana túrmege qamalǵan

KÓKShETAÝ. QazAqparat - Aqmola oblysynda bir jylda sybaılas jemqorlyq qylmysy úshin 42 adam sottalǵan, dep habarlaıdy QazAqparat.

Aqmola prokýratýrasy taratqan málimetke sensek, 16 adam bas bostandyǵynan aıyrylǵan, 16-syna aıyppul salynsa, 10 sottalýshynyń bas bostandyǵy shektelgen.

Aıta keteıik, memlekettik organdarda tómengi býynnan bastap basshylyq quramǵa deıin ártúrli laýazymdardy atqaratyn sýbektiler jaýapkershilikke tartylady.

Máselen, bıyl Kókshetaý qalalyq sotynyń oblystyq polıtsııa departamentiniń laýazymdy tulǵalary A.Sadýov pen S. Jumalınaǵa qatysty syıaqy berý jáne issaparǵa jiberý týraly jalǵan buıryqtar shyǵarý arqyly bıýdjettik qarajatty jumsaý faktileri boıynsha úkim zańdy kúshine endi. Olar polıtsııa polkovnıgi ataǵynan aıyryldy.