Aqmolada jaıaýdy qaǵyp, izin jasyrmaq bolǵan júrgizýshi ustaldy
KÓKShETAÝ. QazAqparat – Aqmola oblysynda jaıaý adamdy qaǵyp, keıin oqıǵa ornynan qashyp ketken júrgizýshi qolǵa tústi, dep habarlaıdy QazAqparat tilshisi PD baspasóz qyzmetine silteme jasap.
Vedomstvonyń málimetinshe, 2020 jylǵy qyrkúıektiń 3-de túngi saǵat 23:30 Bulandy aýdandyq polıtsııa bólimine Nur-Cultan qalasynyń 33 jastaǵy turǵyny habarlasyp, Makınsk qalasynyń mańynda er adamnyń jatqanyn aıtqan.
«Aıtylǵan jerge jetken tártip saqshylary «Nur-Sultan – Petropavl» tas jolynyń 196 shaqyrymynda er adamdy belgisiz kólik qaǵyp ketkenin anyqtaǵan. Er adam Shortandy qalasynyń 31 jastaǵy turǵyny avtobandy qıyp ótpek bolǵan. Jol apatynan ol aýdandyq aýrýhananyń jansaqtaý bólimshesinde kóz jumdy. Sot-medıtsınalyq saraptama onyń jol apatynan alǵan dene jarqatynan kóz jumǵanyn anyqtady», - dedi vedomstvodan.
Qashqan júrgizýshini izdestirý sharasyna Bulandy aýdandyq PB jeke quramy, Aqmola oblystyq PD jol-patrýldik batalony men kúshteri tartyldy.
«Osy oqıǵaǵa baılanysty Qylmystyq kodekstiń 345 jáne 347 baptary boıynsha eki is qozǵaldy. Іzdestirý sharasy kezinde qyrkúıektiń 6-da 1971 jylǵy júrgizýshi ustaldy. Sonymen birge, soqqan adamnyń qany juqqan «Mersedes 709» shaǵyn avtobýsy alyndy. Qazirgi kezde, birqatar sarapta taǵaıyndalyp, jedel-tergeý sharalary odan ári jalǵasýda», - dep tolyqtyrdy vedomstvodan.
