Aqmolada jaıaý júrginshini qaǵyp óltirip, qashyp ketken 4 qaraǵandylyq ustaldy
KÓKShETAÝ. QazAqparat - Aqmola oblysynda jaıaý júrginshini qaǵyp ketken qaraǵandylyqtar ustaldy, dep habarlaıdy QazAqparat tilshisi polıtsııa departamentine silteme jasap.
Maýsymnyń 12-de Aqmola oblysynyń Arshaly kenti aýmaǵynda «Ekaterınbýrg-Almaty» tasjolynyń boıynda jol-kólik oqıǵasy boldy.
Polıtseıler VAZ-2114 avtokóliginiń belgisiz júrgizýshisi jaıaý júrginshini qaǵyp, oqıǵa ornynan qashyp ketkenin anyqtady.
Jábirlenýshi túrli aýyr jaraqat alyp, kóz jumdy.
Anyqtalǵandaı, atalmysh kólik Qaraǵandyǵa qaraı bet alǵan jáne ol beınebaqylaý kameralarynda tirkelgen.
Budan keıin Qaraǵandy qalasy PB krımınaldyq polıtsııa qyzmetkerleri men Aqmola oblysy PD jol-kólik oqıǵasyna qatysýshylardy anyqtaý úshin birlesken jedel izdestirý sharasyn ótkizdi.
Tártip saqshylary Qostanaıdan Qaraǵandyǵa avtokólik jetkizýmen aınalysatyn Qaraǵandynyń tórt turǵynyn ustady. Kúdiktiler kinásin moıyndady.
Qazirgi ýaqytta olar tergeý áreketin júrgizý úshin Aqmola oblysy PD qyzmetkerlerine berildi.
Osy oqıǵa boıynsha Qylmystyq kodekstiń 345-baby 3-bóligi boıynsha qylmystyq is tirkeldi.
