Aqmolada jataqhanadan shyqqan tútinnen 200-den astam adam evakýatsııalandy
KÓKShETAÝ. QazAqparat - Aqmola oblysynda jataqhanadan shyqqan tútinnen 200-den astam adam evakýatsııalandy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, tótenshe jaǵdaı búgin aqpannyń 1-de saǵat 07:00-de Şýche qalasynda oryn alǵan. Úshinshi qabattan shyqqan tútindi jataqhananyń kúzetshisi kórip, adamdardy kómekke shaqyrǵan.
Abyroı bolǵanda, jataqhanaǵa Býrabaı aýdanyna is-saparmen barǵan zańsyz kóshi-qonýmen kúres jónindegi arnaıy vzvodtyń qyzmetkerleri ornalasypty. Tártip saqshylary jataqhana qyzmetshileri men stýdentterin birden qaýipsiz jerge shyǵardy.
«Polıtsııa qyzmetkerleri sanaýly mınýttyń ishinde 207 adamdy evakýatsııalady. Olardyń shıraq qımylynyń arqasynda eshkim zardap shekken joq. Oqıǵa ornyna jetken órt sóndirýshiler órtti aýyzdyqtap, sebebin anyqtaýda», - dedi vedomstvodan.
Illıýstratsııalyq foto
