Aqmolada jas sýretshilerdiń baıqaýy ótti
KÓKShETAÝ. QazAqparat - Aqmola oblysynda jas sýretshilerdiń «Boıaýlar qupııasy» atty bıennale ótti, dep habarlaıdy QazAqparat tilshisi oblystyq ákimdiktiń baspasóz qyzmetine silteme jasap.
Sharaǵa óńirdegi 14 aýdannan jáne Astana, Stepnogorsk, Kókshetaý qalalarynan kelgen 10-18 jas aralyǵyndaǵy 100 bala qatysty.
Qazaqstan Respýblıkasy Sýretshiler jáne Eýrazııalyq dızaınerler odaǵynyń múshelerinen, joǵarǵy oqý oryndarynyń muǵalimderinen qurylǵan kásibı qazylar alqasy úsh jas deńgeıinde jiktelgen toptardan jeńimpazdardy anyqtady.
«Maqtanyshym - meniń Astanam» nomınatsııasy boıynsha kókshetaýlyq Shadııar Segizbaeva men Anastasııa Sımochenko jeńiske jetti. Ekinshi oryndy kókshetaýlyq Bolat Rahat enshilese, úshinshi orynǵa Sandyqtaý aýdanynan kelgen Darıa Mýkopadova jáne qorǵaljyndyq Nuraı Ismanova ıe boldy.
«Rýhanı jańǵyrý - jańarý joly» nomınatsııasy boıynsha eń úzdik bolyp zerendilik Elmıra Jeksembına jáne kókshetaýlyq Aıym Qosjan tanyldy. Osy nomınatsııada ekinshi jáne úshinshi oryndy Dıana Saqıeva, Kámıla Ábisheva, Qaıdar Nurıslam jáne Qambar Sahıdolla, Lolıta Aýsheva qanjyǵalaryna baılady.
Jeńimpazdar alǵys hattarmen, estelik syılyqtarmen marapattaldy.
