Aqmolada jas qyzdardy jezókshelikke salǵandar ustaldy
KÓKShETAÝ. QazAqparat - Aqmola oblysynda jas qyzdardy jezókshelikpen aınalysýǵa májbúrlegen kúdiktiler ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimeti boıynsha, qylmys «Toqta trafık» jedel aldyn alý sharasy barysynda anyqtalǵan.
«Shara qolǵa alynǵannan bergi 3 kún ishinde uıymdasqan qylmyspen kúres jónindegi bólimsheler, ákimshilik polıtsııa jáne kóshi-qon qyzmeti birlesip, ónerkásiptik oryndarda, aýyl sharýashylyǵy aýmaqtarynda, kóńil kóterý, monsha-qonaqúı keshenderinde reıd júrgizdi. Sonyń nátıjesinde adam saýdasyna qatysty 4 qylmystyń beti ashyldy. Onyń 2-ýi jezókshelikke tartý jáne 2-ýi jeńgetaılyqqa qatysty», deıdi PD baspasóz qyzmeti.
Vedomstvonyń atap ótkendeı, Kókshetaý qalasynda turatyn áıeldiń ústinen QR QK 308 baby (jezókshelikpen aınalysýǵa májbúrleý) boıynsha is qozǵaldy. Іıel qorqytý, bopsalaý, kúsh qoldaný arqyly 23 jastaǵy qyzdy jezókshelikpen aınalysýǵa májbúrlegen. Dál osyndaı oqıǵa Şýche qalasynda anyqtaldy.
Sonymen qatar, arnaıy shara kezinde Şýche jáne Stepnogor qalalarynda jeńgetaılyq oqıǵasy áshkerlendi. Onda zań buzýshylar belgilengen aqy úshin qyzdardy jynystyq qyzmet kórsetýge májbúrlegen. Kúdikteler qyzmet aqysyn 2 000 teńgege baǵalaǵan. Qazirgi kezde barlyq oqıǵa qatysty QR QK 309-baby boıynsha iz qozǵalyp, sotqa deıingi tergeý amaldary júrgizilýde. Atalmysh sanktsııa boıynsha kúdiktiler múlkin tárkileýmen qosa, 5 jylǵa deıin sottalýy múmkin.
