Aqmolada jas geologtardyń ashyq dalalyq olımpıadasy ótip jatyr
KÓKShETAÝ. QazAqparat - Býrabaı kýrorttyq aımaǵyndaǵy «Baldáýren» Respýblıkalyq oqý-saýyqtyrý ortalyǵynda jas geologtardyń V Qazaqstandyq ashyq dalalyq olımpıadasynyń ashylý saltanaty ótti, dep habarlaıdy QazAqparat.
Saltanatty jıynda QR IDM Geologııa jáne jer qoınaýyn paıdalaný komıtetiniń tóraǵasy - Aqbatyr Nadyrbaev, Aqmola oblysy ákiminiń orynbasary - Qanat Ydyrysov, QR Parlament Májilisiniń depýtaty - Galına Baımahanova, Reseı Federatsııasynyń balalar-jasóspirimdik geologııalyq qozǵalysynyń ortalyq keńesiniń tóraǵasy, Jer qoınaýyn paıdalaný boıynsha federaldy agenttiktiń bas mamany - Svetlana ıAshına, «Munaıshy-geologtardyń qazaqstandyq uıymy» AQ prezıdenti - Baltabek Qýandyqov sóz sóılep, Olımpıada qatysýshylaryna sáttilik tiledi.
Shara qonaqtary Olımpıadany uıymdastyrǵany úshin «Jas geolog» birlesken qoryna alǵys bildirdi. Sondaı-aq Olımpıada jastardyń kásiptik baǵytyna, geologııa ǵylymyn zertteýge oqýshylardyń qyzyǵýshylyǵyn arttyrýǵa, ósip kele jatqan urpaqqa geologııany ǵylym retinde dáripteýge baǵyttalǵany aıtyldy.
Olımpıadaǵa 20 komanda qatysyp jatyr. Reseı Federatsııasynan - 2,- Qyrǵyz Respýblıkasynan - 2, Ózbekstannan - 1 komanda jáne Qazaqstannan 15 komanda. Al 2010 jyly І Qazaqstandyq Olımpıadada barlyǵy 8 komanda qatysqan bolatyn. Atap ótetin jaıt, jas geologtardyń tek komanda sany ǵana emes, olardyń daıyndyq deńgeıi de ósken.
Olımpıada qatysýshylaryn geologııalyq tilmeler men kartalardy qurý, marshrýttar salý, mınerologııa jáne petrografııa negizderinen bilim saıystary kútip tur.
Jas geologtardyń V qazaqstandyq ashyq dalalyq Olımpıadasy 27-shilde men 3-tamyz aralyǵynda ótedi.
