Aqmolada jarylǵysh zat saýdalaǵan kúdikti ustaldy
KÓKShETAÝ. QazAqparat - Aqmola oblysynda jarylǵysh zat saýdalaǵan kúdikti ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, kúdiktiniń jarylǵysh zatty satýmen aınalysqandyǵy týraly aqparat 2019 jyldyń sáýir aıynda túsken. Jedel izdestirý sharasy barysynda Aqmola oblysynyń PD Krımınaldyq polıtsııa basqarmasy bólimshesiniń qyzmetkerleri ekstremızmge qarsy is-qımyl boıynsha departamenttegi áriptesterimen birge Stepnogorsk qalasynyń 33 turǵynyn ustady.
«Kúdikti taý-ken metallýrgııa kombınatynda jumys istegen jáne jarylǵysh zattardy saýdalaýmen aınalysqan. Er adam «Petrogen - P d.34 mm» jarylǵysh zatynyń 40 danasyn satý kezinde qolǵa tústi. Tárkilengen zat saraptamaǵa jiberilip, jarylǵysh zat ekeni rastaldy.
Qazirgi kezde, osy oqıǵaǵa baılanysty QR QK 291 babynyń 3 bóligi (qarý, oq-dári, jarylǵysh zat jáne jarylǵysh qurylǵy saqtaý nemese bopsalaý) boıynsha is qozǵalyp, sotqa deıingi tergeý amaldary júrgizilýde», deıdi vedomstvonyń baspasóz qyzmetindegiler.
