Aqmolada zańsyz jumys istegen 10 ózbekstandyq jaýapkershilikke tartyldy
KÓKShETAÝ. QazAqparat - Aqmola oblysynda zańsyz jumys istegen 10 ózbekstandyq jaýapkershilikke tartyldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimeti boıynsha, zańbuzýshylyq "Quqyq tártibi" jedel aldyn alý sharasy kezinde anyqtalǵan.
"Kóshi-qon polıtsııasynyń qyzmetkerleri reıd kezinde oblys ortalyǵyndaǵy qonaqúılerdiń birin tekserdi. Polıtseıler munda Ózbekstan Respýblıkasynyń 10 azamatynyń zańsyz jumys istep júrgenin anyqtady. Sheteldikter atalmysh qonaqúıdiń ǵımaratyna jóndeý jumystaryn júrgizgen. Olardyń elimizde jumys isteýge ruqsat beretin qujattardy da bolmaǵan", - deıdi vedomstvonyń baspasóz qyzmetindegiler.
Qazirgi kezde QR Kóshi-qon zańnamasyn buzǵan sheteldikter QR ÁQbK 517 babynyń 2 jáne 5 bólikteri boıynsha ákimshilik jaýapkershilikke tartyldy. Sonymen qatar, sheteldikterdi zańsyz jumysqa tartqan jumys berýshi de jazalandy.
Vedomstvonyń málimetine súıensek, "Quqyq tártibi" jedel aldyn alý sharasy 6 naýryzǵa deıin jalǵasady. Onda sheteldikterdiń oblys aýmaǵyndaǵy zańsyz kóshi-qon jáne zańsyz jumys isteýi oqıǵasyna basa nazar aýdarylady.
