Aqmolada volonterler densaýlyǵy nashar jandarǵa dári-dármek jetkizýde

KÓKShETAÝ. QazAqparat - Aqmola oblysynda volonterler densaýlyq jaǵdaıy boıynsha esepte turǵan adamdarǵa qajetti dári-dármekti úıine jetkizip berýde, dep habarlaıdy QazAqparat tilshisi.

Bul týraly Aqmola oblystyq jastar resýrstyq ortalyǵynyń janyndaǵy Volonterlerdi qoldaý ortalyǵy áleýmettik jelidegi paraqshasynda jarııalady.

Volonterlerdi qoldaý ortalyǵynyń mamany Keńes Ańsardyń aıtýynsha, volonterler 2 kún ishinde 30-dan astam úıdi aralap, densaýlyq jaǵdaıy boıynsha esepte turǵan adamdarǵa qajetti dári-dármekti jetkizip berdi.

«#bizbirgemiz aktsııasy sheńberinde qolǵa alynǵan aktsııanyń maqsaty - koronavırýs ınfektsııasynyń taralý qaýpi jaǵdaıynda azamattardyń baılanysyn barynsha shekteý. Qaıyrymdylyq aktsııasyna qoldaý kórsetip bizdiń medıtsına salasyndaǵy qyzmetkerlerine kómekteseıik», - deıdi aktsııaǵa qatysýshylar.