Aqmolada «Úzdik bastaýysh uıym» baıqaýynyń oblystyq kezeńindegi jeńimpazdar marapattaldy

KÓKShETAÝ. QazAqparat – Kókshetaýda «Nur Otan» partııasy Aqmola oblystyq fılıalynyń tóraǵasy, oblys ákimi Ermek Marjyqpaevtyń tóraǵalyǵymen partııa aktıviniń otyrysy ótti, dep habarlaıdy QazAqparat tilshisi ákimdiktiń baspasóz qyzmetine silteme jasap.

Jıynda kún tártibine saı Elbasy, «Nur Otan» partııasynyń tóraǵasy N.Á.Nazarbaevtyń 2019 jylǵy 25 qarashada «Nur Otan» partııasynyń óńirlik fılıaldary ókilderiniń qatysýymen ótken májiliste júktelgen tapsyrmalardy túsindirý joldary talqylandy.

Aımaq basshysy Ermek Marjyqpaev óz sózinde, partııa tóraǵasy, Elbasy partııa múshelerine birqatar mańyzdy mindetterdi júktedi.

Basty mindetterdiń qatarynda, árbir ákim men máslıhat depýtattary fraktsııasynyń partııalyq jaýapkershiligin arttyrý, bólinetin qarjyny partııalyq baqylaý, elimizdiń óńirlerinde partııa men partııa organdarynyń rólin arttyrý bar.

Sonymen qatar, «Nur Otan» partııasy Aqmola oblystyq fılıaly tóraǵasynyń birinshi orynbasary, oblystyq məslıhat depýtaty Ǵalym Bekmaǵambetov, Aqmola oblystyq məslıhatynyń hatshysy Əlibek Baımaǵambetov, partııanyń Esil aýdandyq fılıalynyń tóraǵasy, Esil aýdanynyń əkimi Serik Baljanov, partııanyń Qorǵaljyn aýdandyq fılıalynyń tóraǵasy, Qorǵaljyn aýdanynyń əkimi Berik Janbaev, «KamAZ-Injınırıng» AQ bastaýysh partııa uıymynyń tóraǵasy, oblystyq məslıhattyń depýtaty, «KamAZ-Injınırıng» AQ bas dırektory Sergeı Kıstın, Astrahan aýdandyq məslıhaty «Nur Otan» partııasynyń depýtattyq fraktsııasynyń jetekshisi, partııanyń oblystyq fılıaly Saıası keńesiniń bıýro múshesi, «Tasýmar +» seriktestiginiń dırektory Anatolıı Malkov, «Shuǵyla» bastaýysh partııa uıymynyń tóraǵasy, Abaı Myrzahmetov atyndaǵy Kókshetaý ýnıversıtetiniń rektory, Kókshetaý qalalyq məslıhatynyń depýtaty Mədı Elýbaev atqarylǵan jumystary týraly aıtyp berdi.

Jıyn sońynda aımaq basshysy partııa qataryna jańa múshelerin qabyldap, partııa bıletterin tapsyrdy, sondaı-aq, «Úzdik bastaýysh uıym» respýbıkalyq baıqaýynyń oblystyq kezeńiniń jeńimpazdary marapattaldy.

Onyń ishinde 1-oryndy (úsh oryn) Tselınograd aýdanyndaǵy «Qazyna SR» JShS, Esil aýdanyndaǵy «Zarechnyı» BPU jáne Stepnogorsk qalasyndaǵy «Qazaqaltyn» BPU ıelense, 2-orynǵa (eki oryn) Shortandy aýdanyndaǵy «№9 Instıtýt saılaý okrýgi» jáne Birjan sal aýdanyndaǵy «№11 Stepnıak saılaý okrýgi» laıyq dep tanyldy. Al 3-oryn (eki oryn) – Býrabaı aýdanyndaǵy «Baldáýren» BPU men Zerendi aýdanyndaǵy «№6 Sadovskıı saılaý okrýgine» buıyrdy.