Aqmolada úıdiń shatyrynan qulap, aýrýhanaǵa jetpeı jolda qalǵan er adam qutqaryldy
KÓKShETAÝ. QazAqparat – Aqmola oblysynda turǵyn úıdiń shatyrynan qulap mertikken er adamdy aýrýhanaǵa alyp bara jatqan kólik jolda qarǵa batyp qaldy.
Kómekke qutqarýshylar kelip, naýqastyń aýrhanaǵa jetýin qamtamasyz etti, dep habarlaıdy QazAqparat tilshisi oblystyq TJD baspasóz qyzmetinde silteme jasap.
«Saǵat 14:35 shamasynda dene jaraqatyn alǵan adamdy aýrhanaǵa alyp bara jatqan kóliktiń qar qursaýynda qalǵany týraly aqparat tústi. Oqıǵa ornyna GT-TB shynjyr tabandy trasporterimen Atbasar MÓB-4 jeke quramy jáne jedel járdem medıtsınalyq kómek feldsheri jetti. Qutqarýshylar mertikken er adamdy evakýtsııalap, jedel járdem kóligine otyrǵyzyp, aýrhanaǵa jetkizilýin qamtamasyz etti», - deıdi vedomstvodan.
Vedomstvonyń málimetinshe, 2020 jyldyń 18-shi qańtarynda 1977 jylǵy er adam turǵyn úıdiń shatyrynan qulap, qabyrǵasyn jaraqattap alǵan eken. Keıin ony aýrýhanaǵa alyp bara jatqanda kólik «Novo-Marınovka – Atbasar» jolynda qarǵa batyp qalǵan.
