Aqmolada ýly gazdy anyqtaıtyn datchıktiń arqasynda bútin bir otbasy aman qaldy
KÓKShETAÝ. QazAqparat – Aqmola oblysynda ýly gazdy anyqtaıtyn sensor qurylńynyń arqasynda bes adamnan turatyn bútin bir otbasy aman qaldy, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, Aqsý kentinde túngi ýaqytta jeke turǵyn úıden órt shyqqan. Órt kezinde úıde jalǵyz basty áıel men onyń úsh balasy jáne aǵasy uıyqtap jatqan. Buǵan deıin Stepnogor qalalyq ákiminiń qoldaýymen «Órt qaýipsizdigi kúni» aktsııasy sheńberinde atalmysh úıge ýly gazdy anyqtaıtyn sensor qurylǵy ornatylypty. Órt shyqqan kezde osy dabyl iske qosylyp, jalǵyz basty áıel men onyń úsh balasy jáne aǵasy qutqaryldy.
«Oqıǵa ornyna dereý Stepnogor qalalyq qutqarý-órt sóndirý bólimshesiniń jeke quramy men kúshteri, «Stepnogor EPZ» AQ jumysshylary jumyldyryldy. Órt 28 sharshy metr aýmaqty sharpydy. Ýly gazdy anyqtaıtyn dachıktiń arqasynda bes adamnan turatyn bútin bir otbasy syrtqa shyǵyp aman qaldy», - deıdi vedomstvodan.
Aıtalyq, Aqmola oblysynda jylytý maýsymy bastalǵannan beri ýly gazdy anyqtaıtyn dachıktiń 763 dachık ornatylǵan.
