Aqmolada «Uly Dala Eliniń kıeli murasy» aktsııasy məresine jetti
KÓKShETAÝ. QazAqparat - Aqmola oblysynda Qazaqstan halqy assambleıasynyń «Uly Dala Eliniń kıeli murasy» atty respýblıkalyq tarıhı-ekologııalyq aktsııasynyń 3-shi kezeńi məresine jetti, dep habarlaıdy QazAqparat tilshisi.
Kókshetaýdaǵy "Qoǵamdyq kelisim" mekemesiniń baspasóz qyzmetiniń málimetinshe, bir aptaǵa jalǵasqan aktsııa barysynda Qazaqstan halqy Assambleıasynyń respýblıkalyq «Jańǵyrý joly» jastar qozǵalysy oblystyq shtabynyń músheleri Birjan sal, Bulandy, Býrabaı aýdandarynyń kıeli oryndaryn aralap kórdi. Atap aıtsaq Birjan sal aýdanynda ornalasqan Qoǵam aýylyndaǵy Shaımerden Qosshyǵulov atyndaǵy murajaıda, Stepnıak qalasyndaǵy Birjan sal zıraty memorıaldyq kesheninde, Bulandy aýdanyndaǵy Balýan Sholaq zıratynyń kýlttik kesheninde, Qarasaı, Aǵyntaı batyrlardyń memorıaldy kesheninde, Aıǵanym, Botaı kıeli qonystarynda ekspedıtsııa júrgizdi.
«Atalǵan aktsııa Elbasynyń bastamasymen qolǵa alynyp, qazaqstandyqtardyń baı mádenı murasyn jáne shyǵarmashylyq áleýetin nyǵaıtýǵa baǵyttalǵan «Rýhanı jańǵyrý» ulttyq sanany rýhanı jańǵyrtý men jańartýdyń ulttyq ıdeıasyn iske asyrýda naqtyly qadam boldy»,- deıdi uıymdastyrýshylar.
Aktsııanyń sońǵy kúni Aıyrtaý aýdanyndaǵy Aıǵanym qonysynda «Jańǵyrý joly» jastar qozǵalysy shtabynyń músheleri kelesi estafeta kezeńin, onyń sımvolıkasy bolyp tabylatyn Qazaqstan halqy Assambleıasynyń týyn jáne fotoalbomyn soltústikqazaqstandyq əriptesterine tabystady. Sonymen qatar, estelik syı retinde «Qazaqtyń batyrlyq jyrlary» úsh tomdyq kitabyn tartý etti.
