Aqmolada «Týmgoevter» qylmystyq tobyn qurǵandar sottaldy
KÓKShETAÝ. QazAqparat - Aqmola oblysynda «Týmgoevter» qylmystyq tobynyń jetekshileri sottaldy, dep habarlaıdy QazAqparat Ulttyq qaýipsizdik komıtetiniń baspasóz qyzmetine silteme jasap.
2019 jyly Aqmola oblysynyń UQKD, PD jáne ETD vedomstvoaralyq tergeý-jedel toby «Týmgoevter» uıymdasqan qylmystyq toby jetekshileriniń qylmystyq áreketiniń jolyn kesti.
«Kókshetaý qalalyq sotynyń 27 maýsymdaǵy úkimimen top jetekshisi R. Týmgoev QR QK 245-baby 3-bólimi («Salyq tóleýden jaltarý») jáne 262-baby 1-bólimi («UQT qurý jáne oǵan jetekshilik etý») boıynsha kináli dep tanylyp, 7,5 jylǵa bas bostandyǵynan aıyryldy. Ol jazasyn qatań rejımdegi kolonııada óteıdi» delingen habarlamada.
Bıylǵy 25 qarashada sot sheshimimen Qylmystyq kodekstiń 190-baby 4-bólimi, 2-tarmaǵy («Іri mólsherde jasalǵan alaıaqtyq») boıynsha sotqa deıingi tergeý materıaldary negizinde «Týmgoevter» qylmystyq tobynyń basqa jetekshisi ıÝ. Kýrtoev 9 jylǵa sottaldy. Ol sondaı-aq 5 jyl boıy kásipkerlik sýbektilerinde basshy jáne materıaldy-jaýapty laýazymdarda jumys isteı almaıdy.
