Aqmolada tumaýǵa qarsy ekpe egý naýqany bastalady
KÓKShETAÝ. QazAqparat – Aqmola oblysynda 1 qazannan bastap tumaýǵa qarsy ekpe egý naýqany bastalady. Osy rette, ekpeni tegin alatyn adamdardyń toby anyqtalyp otyr, dep habarlaıdy QazAqparat tilshisi.
Aqmola oblysy boıynsha taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, tumaýǵa qarsy ekpe alý úshin turǵyndar turǵylyqty jeri boıynsha tirkelgen emhanalarǵa barýy qajet.
«Oblys aýmaǵynda ekpe egetin 364 em-shara kabıneti anyqtalyp otyr. «Qaýiptiler» tobyndaǵy tulǵalarǵa ekpe egý úshin tegin 72 860 vaktsına qarastyrylǵan. Osy baǵytta jergilikti bıýdjet esebinen 7 mıllıon 830 myń teńgege 9 myń «Grıppol plıýs» vaktsınasy satyp alyndy. Bul vaktsına bıylǵy epıdemologııalyq maýsymda baıqalady dep boljanyp otyrǵan tumaýdyń A jáne V túrlerine qarsy egilmekshi», - deıdi vedomstvonyń baspasóz qyzmetindegiler.
Dárigerlerdiń atap ótkendeı, tumaýǵa qarsy tegin ekpeni medıtsına qyzmetkerleri, 2-3 aılyq júkti áıelder, sozylmaly aýrýlarymen dıspanserlik esepte turǵan ersekter men balalar, jıi aýyratyn 6 jastan asqan balalar, jabyq mekemelerdegi adamdar alady.
