Aqmolada traktor pen mototsıkl soqtyǵysyp, eki adam kóz jumdy
KÓKShETAÝ. QazAqparat – Aqmola oblysynda «K-701» traktory men mototsıkl soqtyǵysyp, eki adam kóz jumdy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, tamyzdyń 28-de Jaqsy aýdandyq PB kezekshilik bólimine jergilikti JShS biriniń dıspetcheri habarlasyp, mototsıklge otyrǵan eki adamnyń aýyl arasyndaǵy jolda «K-701» traktorymen soqtyǵysqanyn jáne zardap shekkender baryn aıtqan.
«Oqıǵa ornyna jetken polıtsııa qyzmetkerleri onyń sebebin anyqtady. Belgili bolǵandaı, «K-701» traktorynyń 46 jastaǵy júrgizýshisi aýyl arasyndaǵy jolmen Belaǵash aýylyna júrip bara jatqan. Sol kezde oǵan qarsy baǵyttan shyqqan «Racer» mototsıkli soǵylǵan. Jol-kólik oqıǵasynan mototsıkldiń 26 jastaǵy júrgizýshisi men 36 jastaǵy jolaýshysy alǵan dene jaraqatynan sol jerde kóz jumdy», - deıdi vedomstvodan.
Vedomstvodan atap ótkendeı, qazirgi kezde «K-701» traktorynyń júrgizýshisine qatysty «shaqyrǵan ýaqytta kelý mindetti» protsessýaldyq sharasy qoldanyldy. Sonymen birge, QR QK 345 babynyń 3 bóligi boıynsha sotqa deıingi tergeý amaldary júrgizilýde.
