Aqmolada tórt oblystyń bolashaq mal dárigerleri ózara saıysty
Vedomstvonyń málimetinshe, Býrabaı aýdanynyń Qatarkól aýylyndaǵy Aýylsharýashylyǵy kolledjinde «Veterınarııa» sanaty boıynsha «WorldSkills AQMOLA – 2021» kásibı sheberliktiń aımaqaralyq chempıonaty aıaqtaldy. Oǵan respýblıkanyń tórt kolledji – «Ertis» Joǵary Innovatsııalyq agrarlyq kolledji (Pavlodar oblysy), J. Qızatov atyndaǵy Joǵary Aýylsharýashylyq kolledji (Soltústik Qazaqstan oblysy), Qostanaı Aýylsharýashylyq kolledji jáne Býrabaı aýdanyndaǵy Aýylsharýashylyq kolledjinen barlyǵy 8 stýdent qatysty.
«Jarystyń birinshi kúni qatysýshylarǵa veterınarııalyq-sanıtarııalyq saraptama júrgizý úshin janýarlardan alynatyn ónimder men shıkizattyń úlgilerin alý, veterınarııalyq emdeý-dıagnostıkalyq manıpýlıatsııalardy oryndaý jáne taýyq jumyrtqalaryn ovoskopııalaýdy júrgizý qajet boldy. Ekinshi kúni baıqaýǵa qatysýshylar arnaıy qurylǵylar men aspaptardy paıdalana otyryp, veterınarlyq emdeý-dıagnostıkalyq protsesiniń bilimi men daǵdylaryn kórsetti» - deıdi Qatarkól aýylyndaǵy Aýylsharýashylyq kolledjiniń dırektory Sergeı Savelev.
Baıqaý qorytyndysy boıynsha Qatarkól aýylyndaǵy Aýylsharýashylyq kolledjiniń stýdenti Lolıta Lebedınskaıa men J.Qızatov atyndaǵy Joǵary Aýylsharýashylyq kolledjiniń (Soltústik Qazaqstan oblysy) stýdenti Kópjan Ábdimanap birinshi oryn alsa, ekinshi jáne úshinshi oryndarǵa «Ertis» Joǵary Innovatsııalyq agrarlyq kolledjiniń stýdenti (Pavlodar oblysy) Ǵasyrjan Saılýbaev pen Qostanaı Aýylsharýashylyq kolledjiniń stýdenti Anastasııa Galatova laıyq dep tanyldy.
Úzdik tájirıbelik daǵdylaryn kórsetken stýdentter arnaıy sertıfıkattarmen marapattaldy.
Jarys jeńimpazy «WorldSkills Kazakhstan 2021» Ulttyq chempıonatynda oblys namysyn qorǵaıtyn bolady.
