Aqmolada temirjol kópirinen sekirip ólmek bolǵan 32 jastaǵy áıel qutqaryldy
KÓKShETAÝ. QazAqparat - Aqmola oblysynda temirjol kópirinen qulap sýıtsıd jasamaqshy bolǵan 32 jastaǵy áıel qutqaryldy, dep habarlaıdy QazAqparat tilshisi kóliktegi polıtsııa departamentiniń baspasóz qyzmetine silteme jasap.
Aǵymdaǵy jyldyń 16 maýsymynda Makınka stantsııasyndaǵy jelilik polıtsııa bólimine temirjol vokzalynyń kassıri habarlasyp, stantsııanyń perronyndaǵy temirjol kópirinde áıeldiń sýıtsıd jasaǵaly turǵanyn aıtqan.
Aıtylǵan jerge dereý Makınka beketindegi jelilik polıtsııa bólimshesiniń polıtseıleri Ǵumar Nurıkenov, Baýyrjan Orazov jáne Abzal Oralov jetti.
Tártip saqshylary áıelmen sóılesip, raıynan qaıtardy.
«Biz kúızeliske ushyraǵan adammen dıalog qajet ekenin anyq túsindik, sondaı-aq ol sekiris jasaǵan jaǵdaıda naqty sharalar qabyldaý mańyzdy boldy», - deıdi polıtseıler.
Polıtsııa bólmesinde áıel sabyrǵa kelip, onymen áńgime júrgizildi.
Sonymen birge, oǵan alǵashqy medıtsınalyq jáne moraldyq-psıhologııalyq kómek kórsetildi.
