Aqmolada temeki shekken oqýshymen dóreki sóılesken pedagog jumystan bosatyldy

Tselınograd aýdanynyń Jańaesil aýylynda jalpy bilim beretin mektep dırektorynyń tárbıe isi jónindegi orynbasary temeki shekken oqýshymen dórekki sóılesti, sol úshin ony pedagogıkalyq ádep jónindegi keńes jumysynan shyǵardy, dep habarlaıdy Kazinform. 

Muǵalimniń mektep oqýshysyna qatysty dóreki qylyǵy týraly beınejazba áleýmettik jelide jarııalandy. Jeli qoldanýshylary muǵalimniń áreketin synǵa aldy. 

Aqmola oblystyq bilim basqarmasy baspasóz qyzmetiniń málimetinshe, osy derek boıynsha qyzmettik tergeý júrgizilgen. Belgili bolǵandaı, ekinshi sabaqtan keıingi úzilis kezinde 7,9,10 synyp oqýshylary sportzalǵa voleıbol oınaýǵa barǵan. Alaıda, dene shynyqtyrý pániniń muǵalimi A.ıÝtına oqýshylardyń voleıbol oınaǵanyn emes, 7-synyp oqýshysy D.Kımniń temeki shegip turǵanyn kórgen. Osy kezde muǵalim birden mektep dırektorynyń tárbıe jónindegi orynbasary B.Mekebaıdy shaqyrǵan, ol oqýshymen áńgimelesken. 

Áńgime barysynda oqýshy sportzalda temeki shegetinin moıyndaǵan. Oqýshynyń bul jaýaby mektep dırektory orynbasarynyń ashýyna tıip, ol emotsııaǵa erik bergen.

«Bilim bóliminiń jumys toby Jańaesil aýylyndaǵy balalarmen, ata-analarmen jáne mekteptiń pedagogıkalyq ujymymen áńgimelesti. Osy derek boıynsha júrgizilgen talqylaýdan keıin kámeletke tolmaǵan balanyń zańdy ókili D.Kımnen pedagog B.Mekebaıǵa shaǵymdan bas tartý týraly ótinish kelip tústi. Degenmen, bul jaǵdaı Jańaesil aýyly mektebiniń pedagogıkalyq ádep jónindegi keńesiniń otyrysynda qaraldy, onda QR Eńbek kodeksiniń 52-babynyń 14-tarmaǵyna sáıkes B.Mekebaıdy jumystan shyǵarý týraly sheshim qabyldandy», - dedi vedomstvodan. 

Aqmola oblysy PD baspasóz qyzmeti áleýmettik jelide jeldeı esken beınejazbany polıtsııa zerttegenin atap ótti. 

«Keleńsiz jaǵdaı shynymen Jańaesil aýylyndaǵy orta mektepte bolǵany rastaldy. Muǵalimniń zańsyz áreketteri deregi boıynsha materıal Tselınograd aýdandyq polıtsııa bóliminiń aqparatty esepke alý kitabynda tirkeldi. Tekseris júrgizilýde, sonyń qorytyndysy boıynsha naqty sheshim qabyldanady, - dep túsindirdi Kazinform tilshisiniń saýalyna jaýap bergen PD baspasóz qyzmeti. 

Aıta ketsek, budan buryn jelide turǵyndardy balaǵattaǵan Şýche ákimi qyzmetinen ketkenin jazǵan edik.