Aqmolada tegin dári-dármek almaǵan 200-den astam adamnan shaǵym tústi
KÓKShETAÝ. QazAqparat - Aqmola oblysyndaǵy medıtsınalyq uıymdar tegin dári-dármekpen ýaqtyly qamtamasyz etpese, tekseris júrgizilip jaýapkershilikke tartylady, dep habarlaıdy QazAqparat tilshisi «Əleýmettik medıtsınalyq saqtandyrý qory» kommertsııalyq emes aktsıonerlik qoǵamy Aqmola fılıalynyń baspasóz qyzmetine silteme jasap.
Vedomstvonyń málimetinshe, tegin dárilik quraldardy jáne medıtsınalyq maqsattaǵy ónimderdi usyný boıynsha monıtorıngtiń qorytyndysy shyqqan.
«QR Densaýlyq saqtaý mınıstrligi, «SK-Farmatsııa» JShS jáne áleýmettik medıtsınalyq saqtandyrý qorynyń birlesken jobasy sheńberinde 12 sáýir men 30 maýsym aralyǵynda «Dárilik qamtamasyz etý» aqparattyq júıesinde málimetteri kórsetilgen tegin dári-dármek alatyn naýqastarǵa SMS habarlama joldanady. Barlyǵy 1 mıllıonnan astam SMS habarlama joldandy. Habarlamada dáriniń nómiri men merzimi kórsetiledi. Eger naýqas dári-dármek almaǵan bolsa, SMS-habarlamaǵa jaýap retinde «0» sanyn jiberýi kerek nemese 1439 nómirine «SK-Farmatsııa» JShS baılanys ortalyǵyna qońyraý shalýǵa bolady», - deıdi «Əleýmettik medıtsınalyq saqtandyrý qory» kommertsııalyq emes aktsıonerlik qoǵamy Aqmola fılıalynyń baspasóz qyzmetindegiler.
Qordyń SMS-habarlama joldaý qorytyndysy boıynsha naýqastardyń 27798 pikiri tirkeldi. Onyń ishinde 4 137 naýqas preparat almaǵan. Aqmola oblysy boıynsha preparat almaǵandar sany - 219.
«Atalǵan jaǵdaı boıynsha tekseris júrgizilip, tegin dári-dármekpen ýaqtyly qamtamasyz etpeý sebebi anyqtalady jáne kináliler jaýapkershilikke tartylady», - dedi Aqmola oblysy boıynsha «SK-Farmatsııa» JShS ókildiginiń basshysy Roza Tlespaeva.
Vedomstvo keltirgen málimet boıynsha, preparat almaǵany týraly jaýaptar kóbine Qyzylorda, Mańǵystaý, Shyǵys Qazaqstan, Túrkistan jáne Almaty oblystarynan túsken.
